Schreiwt Iech elo an!
Erstellt Ären Online-Kont (wann Dir nach keen hutt) an registréiert Är Aktivitéiten.
Entreprisen
Entreprisen
Entreprisen, maacht mat!
Dir féiert eng Aktioun (dono „Mobility Action“ genannt) duerch, déi d’Iddi vun enger nohalteger urbaner Mobilitéit fërdert? Mir wëlle méi dozou wëssen!
Wann Dir Är Mobility Action op dëser Internetsäit registréiert, kënnt Dir un der Campagne vun der Europäescher Mobilitéitswoch deelhuelen. No der Aschreiwung ginn all d’Aktiounen, déi Dir fir d’Fërderung vun der nohalteger urbaner Mobilitéit ëmsetzt, an der Lëscht vun de Mobility Actions ugewisen.
Hutt Dir decidéiert, zesumme mat Ärer Noperin oder Ärem Noper mam Vëlo op d’Aarbecht ze fueren? Huelt Dir als Employeur konkret Moossnamen, fir Är Mataarbechter*innen dozou ze motivéieren, déi ëffentlech Transportmëttel ze benotzen?
De Ministère fir Mobilitéit an Ëffentlech Aarbechten wëll Iech dobäi ënnerstëtzen, Är Erfollegsgeschicht ze deelen. Soulaang Är Aktioun eng Verhalensännerung zugonschte vun enger méi nohalteger Kultur vun der urbaner Mobilitéit encouragéiert an ee promotive an net technesch Charakter huet (technesch Innovatioune ginn net akzeptéiert), sidd Dir berechtegt, fir deelzehuelen.
D’Virdeeler
De Ministère fir Mobilitéit an Ëffentlech Aarbechten hëlleft Iech dobäi, Är Erfollegsgeschicht zu Lëtzebuerg an an Europa ze deelen. Wann Dir Iech der Campagne vun der Europäescher Mobilitéitswoch uschléisst, ass Är promotionell Aktioun och fir all d’Visiteuren*innen vun der offizieller europäescher Internetsäit zougänglech. Fir Är Visibilitéit ze erhéijen, kënnt Dir de Logo vun der Campagne an dat zougehéieregt Promotiounsmaterial benotzen.
D’Krittäre fir kënnen deelzehuelen
D’Registréierung vu Sensibiliséierungsaktiounen, déi eng nohalteg urban Mobilitéit fërderen, ass fir jiddereen op: Gruppen vun Eenzelpersounen, ONGen, Sozialpartner, Fuerschungs- a Bildungsinstituter, lokal an national Autoritéiten, ëffentlech Institutiounen souwéi ëffentlech a privat Entreprisen sinn häerzlech invitéiert, matzemaachen.
Eng Mobility Action kann sech op een bestëmmten Dag beschränken oder e puer Wochen oder Méint daueren. Si kann während der Europäescher Mobilitéitswoch (16. bis den 22. September) oder zu all anerem Zäitpunkt vum Joer stattfannen.
D’Aktioun muss eng Verhalensännerung zugonschte vun enger méi nohalteger Kultur vun der urbaner Mobilitéit fërderen.
D'Aktioun däerf net zu ongesetzlechem Verhalen oder ziviler Ongehorsam opfuerderen.
D’Participanten*innen mussen 18 Joer oder méi al sinn.
D’Reegele
- Dir dierft de Logo vun der Europäescher Mobilitéitswoch op Ärem Promotiounsmaterial benotzen. Weider Detailer fannt Dir an der Toolbox.
- D’Recht, un der Campagne vun der Europäescher Mobilitéitswoch deelzehuelen, gëtt den Aktiounen als eegestänneg Entitéiten accordéiert an net den Institutiounen oder Entreprisen. An der Praxis bedeit dat, datt dat zur Campagne gehéierend Material nëmmen op de Websäiten dierf benotzt ginn, déi konkret d’Aktioun promovéieren, a net op all Säite vun der Internetsäit vun enger Organisatioun. D’Deelhuelen oder Affiliatioun zur Campagne däerf op kee Fall als Zoustëmmung oder Ënnerstëtzung vu Reklammen, kommerzielle Produiten oder Servicer verstaane ginn.
- D’Decisioun vum europäesche Sekretariat ass endgülteg. D'Europäescht Sekretariat behält sech och d'Recht vir, all Aschreiwung ofzeweisen, déi net de Campagnerichtlinnen entsprécht. Mat der Aschreiwung stëmmen d'Participanten zou, datt si keng juristesch Méiglechkeet hunn, d'Entscheedung vum Europäesche Sekretariat unzefechten.
Dernière modification le